Si PSSg. Maria Caress Arnejo ay 11 taon nang nagseserbisyo sa Philippine National Police (PNP) at isang natatanging atleta sa karate at track and field. Ayon sa kanya, nakilala niya ang PSSLAI dahil popular ito sa PNP bilang tanging organisasyong maaasahan pagdating sa membership, loan, at iTrack services. Dahil sa mabilis na proseso, maraming benepisyo, at mababait na empleyado, 11 taon na siyang proud na PSSLAI member. Malaki rin ang naitulong ng PSSLAI sa kanya sa pagkuha ng bahay at lupa, kotse, at maging sa paghahanda para sa kanyang kasal.

Para kay PSSg. Arnejo, ang PSSLAI ay parang kaibigang laging handang tumulong. Lumaki siyang walang amang kaagapay sa buhay, at bagamat hindi siya pinalad makapasok sa Philippine Team, binuksan ng PNP ang pinto para maipamalas niya ang kanyang galing sa sports. Nag-uwi siya ng gintong medalya sa World Police and Fire Games noong 2022 sa Rotterdam, Netherlands at 2023 sa Winnipeg, Canada. Hindi man madali ang pag-abot ng pangarap dahil siya mismo ang gumastos sa biyahe, malaking tulong ang PSSLAI sa pagsuporta sa kanyang pangarap.

Buong puso niyang nirerekomenda ang PSSLAI sa kapwa niya pulis bilang kaagapay sa pangarap at emergency needs. Para kay PSSg. Arnejo, “Kaagapay ko si PSSLAI sa aking pangarap na makilala sa buong mundo.”