Dahil sa tiwala ng mag-asawang PSSG Maricar at PSSG Mark Chester Mabale sa PSSLAI, nakapagpundar sila ng dalawang bahay at lupa para sa pamilya, isang pauupahang bahay, at isang lupang ari-arian sa Brgy. Sabang, Sibonga, Cebu. Sa panahon ng pagsubok nang magkaroon si PSSG Maricar ng ectopic pregnancy sa gitna ng pandemya at matapos ang pinsalang dulot ng Bagyong Odette, mabilis silang natulungan ng PSSLAI. Sa loob ng isang oras, dumating ang tulong na tila isang anghel. Ani ni PSSG Maricar, “Nasa kasagsagan ka ng emergency, hindi ka makapag-isip nang maayos tapos parang may angel lang na dumating sa harapan mo.”

Hindi kahihiyan para sa kanila ang mangutang sa PSSLAI, bagkus ay naging susi ito sa kanilang tagumpay. Sa pamamagitan ng sipag, tyaga, at disiplina, nagbunga ang kanilang pagsusumikap. Buong puso nilang ipinagmamalaki ang tulong ng PSSLAI na nagsilbing gabay at biyaya sa kanilang pamilya.

Ngayon, nais nilang hikayatin ang iba pang kasapi ng PNP na maging bahagi ng PSSLAI para sa mabilis at maasahang serbisyo. Para sa kanila, ang PSSLAI ay tunay na kasangga sa bawat pagsubok at tagumpay. Sabi ni PSSG Maricar, “Kaagapay ko si PSSLAI sa hirap at ginhawa ng buhay.”